Alhamdulillah Syukoe keu Po teuh Allah, njang kalheuh neupeudjeut
lage ngon bumoe beuseurta asoe banbandum. Seulaweut saleum keu pang ulee umat
Muhammad Rasulullah SAW.
Peurle beutatukri, tateupeu dan tatuban bahwasadjih perdjuangan
njang geutanjoe pubut njoe kon keuh but si uroe 2 uroe, tapi djioh that mantong
peurdjalan njang geutanjoe meuhadap. maka uleh seubab njankeuh geutanjoe haroih
beuhati hati dalam but njoe, lage tamsilan ureung meu en Tjatoe, tip2 tagrak langkah
pajah taseumike 4 boh langkah ukeu.
Beutateupeu but njoe nakeuh kon but individu ataupu kelompok,
akan tetapi but njoe but atawa tugaih banbandum bansa atjeh, maka disinoe peurle
dukongan, sokongan, sue eu nibak bandum bansa atjeh.
untok geutanjoe beuseulamat seurta beudjroeh dan beumeuhase
peu njang lage ta tjita2 geutanjoe haroih beuseureng tapeugot musyawarah mufakat
untok djeut tateume saboh sikap atawa peunutoh njang meumakna. Dalam hai njoe
kamoe baresan Atjeh Merdeka dalam nanggroe ka meuhase meupeugot saboh musyawarah
rajek nibak di Jamboe Waled (Red : Teumpat samaran di Seputaran Pidie Jaya).
Musyawarah njoe kamoe peudoh deungon tindak lanjot rapat di Malaya padum buleun
njang ka ulikot.
Dalam Musyawarah njoe, na padum padum boh point, peunutoh
njang tateume nibak sue eu peutuha peutuha, waki waki (Red ; Kon juru
bicara).dari wilajah wilajah bansigom atjeh leubeh kureung na 5 droe/wilajah
dan 7 droe nibak peutuha AM seurta Ulama.
Musyawarah njang geupimpin le salah Teuku T mulaji poh
10.00 sapoe poh 16.00 na padum padum boh peunutoh njang tateume, lage di mijub njoe
:
- Koordinasi paleng kureung siminggu sigoe ngon tip2 wilajah
- Seutot Seurta peugot hubungan deungon peutuha peutuha AM dan Ulama ulama njang na lam wilajah maseng2
- Djeut djeut wilajah supaja neupeugot rapat untok neu suson agenda khusus keu wilajah seurta neu atoe struktur keurdja.
- Peugadoh Sikap Arogan, meujuhom, gasa, hana meu adap.
- Peutrang seurta sosialisi peukara AM bak bansa bahwa sajdih perdjuangan gohlom seuleusoe
- Bek sagai sagai geutanjoe tapeugot aksi njang djeut keu mudharat Bansa bahpih meu untong keu perdjuangan.
- Peudjak but lam nanggroe sesuai keputusan rapat seurta peunutoh ureung tuha dan Ulama.
- Seurta na padum boh teuk njang mantong meu rahasia......
Hase Rapat Di Malaya :
- Penerangan AM bak bangsa
- Sosialisasi
- Aksi
- Kontact person
- Waki lam nanggroe di atoe le wilajah maseng2
- Peutuha Luwa nanggroe hana hak veto untuk boh waki udalam nanggroe
Harapan keu banbandum rakan, sjedara njang mantong
seutia keuperdjuangan, supaja neukeurdja beulage hase musyawarah, meuseubab
njoe kon but pribadi geutanjoe tapi but djama’ah banbandum bansa atjeh, bek
sampoe haro hara awai meugisa keulaji djirasa le aneuk bansa.
Wassalam
Atjeh, 14 Juni 2013
Ateuh nan Baresan AM Dalam Nanggroe