Krue Seumangat keubandum wareh njang mantong meusetia keu perdjuangan Atjeh Merdeka njang meusipreuk bansigom donja, khusus djih njang na di dalam nanggroe. beutateupeu uleh geutanjoe banbandum bahwasadjih but njang geutanjoe peudjak njoe raja ngon raja lagoina, bahpih meunan geutanjoe handjeut weh weuh, teumakot, teukeudjeut seurta meusilangkah bek tagese demi trok tjita tjita geutanjoe banbandum untok tapeuseuleusoe peukara atjeh merdeka beumeudjaya , meudelat, beumesjehu seuramoe meukkah keulaji, akan tetapi beuthat hati hati bak takeurdja.
Komitment geutanjoe dalam ASNLF han sagai sagai tatem meusaboh droe ngon parte parte djawanesia, pu lom ta akui MoU helsinki njan, njang djeulaih djeulaih tateupu bahwa sajdih njan nakeuh peukateun, tipe muslihat padum padum droe ureung peutuha lam perdjuangan awai njang ka djitem meuduk, teken saboh perdjanjian njang tjuma meu untong keu peurte peurte droe djih awak njan. Bahpih meunan, geutanjoe han mungken sagai sagai tapeugagal peurdjanjian njan, njang djinoe ka teungoh djirasa nikmat dame le bansa, hana haro hara, bahpih na konflik internal kombatan njang teungoh djimeusunoh pangkat ngon djabatan bak djawa, tapi geutanjoe haroih tamita tjara tjara njang patot bak tapeudjak but njoe lam nanggroe.
Dalam tapeudjak but njoe, leubeh djroeh geutanjoe ta tjuba tanjong seu ue bak Ulama ulama, teungku teungku, abu abu/ureung ureung awai thon 76 njang ka leubeh meufhom ateuh peukara njoe. rame that mantong ureung tuha perdjuangan njang na lam nanggroe seubagoe teumpat geutanjoe lake peutunjok, supaja bek sampoe meugisa dan meuriwang karu lage awai.
Djadi tugaih geutanjoe ASNLF lam nanggroe djinoe, haroih tadjak seutot pat mantong ureung ureung njang djeut geubri peutunjok, rauh keugeutanjoe, dengon peunutoh njan keuh geutanjoe akan tapeudjak banbandum agenda dari hase musyawarah diluwa atawa didalam nanggroe. Menjoe kon meunan, geutanjoe akan binasa karena ka tapeudjioh droe keu ureung tuha dan Ulama ulama.
Tidak ada komentar :
Posting Komentar